कञ्चन क्षोईलिङ गुम्बालाई विभिन्न दाताबाट पुनः आर्थिक सहयोग प्राप्त

कञ्चनपुर/७ माघ ।
कञ्चनपुरको पुनर्वास नगरपालिका–३ आई.बि.आर.डी.स्थित श्री कञ्चन क्षोईलिङ गुम्बालाई विभिन्न दाताबाट पुनः आर्थिक सहयोग प्राप्त भएको छ।
गुम्बाको धार्मिक तथा भौतिक संरचना संरक्षण, सञ्चालन र विकासका लागि सहयोग गर्दै लामा गुरु श्री नोर्बु लामाज्यूले नगद २५ हजार रुपैयाँ सहयोग गर्नुभएको छ। त्यसैगरी, पुनर्वास नगरपालिका–३ रामबस्ती निवासी श्री नवराज तामाङज्यू र श्री रेलीमाया तामाङज्यूबाट ५ हजार ५० रुपैयाँ तथा पुनर्वास नगरपालिका–२ अरनिको बस्ती निवासी श्री फैग्रोङ तामाङज्यूबाट २ हजार ५०० रुपैयाँ सहयोग प्राप्त भएको गुम्बा व्यवस्थापन समितिले जनाएको छ।
गुम्बा व्यवस्थापन समितिले सहयोगी दाताहरूलाई हार्दिक धन्यवाद ज्ञापन गर्दै भविष्यमा पनि यस किसिमको सहयोगले गुम्बाको संरक्षण र धार्मिक गतिविधि सञ्चालनमा ठूलो टेवा पुग्ने विश्वास व्यक्त गरेको छ।
यसअघि पनि श्री कञ्चन क्षोईलिङ गुम्बालाई विभिन्न दाताहरूबाट साढे चार लाख रुपैयाँभन्दा बढी सहयोग प्राप्त भइसकेको गुम्बा स्रोतले जनाएको छ।